IT-TIENI VISTA

Nadurawk, O Ġesù, u nberkuk

għax bis-salib u l-qawmien tiegħek inti fdejtna.

​

Ħasil tar-Riġlejn skont San Ġwann:
QABEL il-festa tal-Għid, billi kien jaf Ġesù li waslet is-siegħa tiegħu biex igħaddi minn din id-dinja għal għand Missieru, Hu, li kien ħabb ‘il tiegħu fid-dinja, baqa’ iħobbhom sal-aħħar. Waqt l-ikla qam minn fuq il-mejda, neħħa l-mantar u ħa fardal u dawru ma’ ħżiemu. Imbagħad tefa’ l-ilma f’żinġla u beda jaħsel riġlejn id-dixxipli u jimsaħhomlhom bil-fardal, li kien imħażżem bih. Wara li ħaslilhom riġlejhom, libes il-mantar u reġa’ qagħad fuq il-mejda u qalilhom: “Tifhmu x’għamiltilkom? Intom ssejħuli ‘Mgħallem’ u ‘Mulej’ u sewwa tgħidu, għax hekk jien. Mela jekk jien il-Mulej u l-Imgħallem ħsiltilkom riġlejkom, għandkom intom ukoll taħslu riġlejn xulxin: għax jien tajtkom mera biex kif għamilt jien, tagħmlu intom ukoll.”

Missierna, Sliema, Glorja.