BIDU TAL-VISTI

​

Ninsabu f'dawn il-jiem qaddisa li se jwassluna għaċ-ċelebrazzjoni tal-Għid il-Kbir.  Il-Knisja tfakkarna fit-Tliet Misteri kbar li wettaq għalina Sidna Ġesù Kristu:

•  il-misteru tal-Imħabba Infinita tiegħu għalina li xhieda tagħha hi l-

    Ewkaristija;

•  il-misteru tat-tbatija u l-mewt tiegħu li sofra għal dnubietna;

•  il-misteru tal-qawmien tiegħu mill-imwiet.

 

Ejjew ninġabru virtwalment quddiem Ġesù Ewkaristija. Ejjew nitolbuh u nadurawh f’dan is-Sagrament li permezz tiegħu ried jibqa’ magħna matul iż-żminijiet bħala faraġ għalina u bħala ikel ta’ ruħna.

 

Nitolbu.

Ġesù għinna nagħrfu kemm nistgħu il-misteru ta’ imħabbtek kif fissirtulna inti stess fl-Ewkaristija Mqaddsa. O Marija ieqaf magħna biex nifhmu dejjem aktar l-imħabba u tbatijiet ta’ Ibnek Ġesù Kristu għalina.